ឧបនាយករដ្ឋមន្រ្តី ស សុខា អញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលនៃគណៈអភិបាលខេត្តកំពង់ស្ពឺ
ខេត្តកំពង់ស្ពឺ៖ នាព្រឹកថ្ងៃពុធ ១២រោច ខែជេស្ឋ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣ ខែកក្កដា ឆ្នាំ២០២៤នេះ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីភាពក្នុងពិធីប្រកាសចូលកាន់មុខតំណែងអភិបាល នៃគណៈអភិបាលខេត្តកំពង់ស្ពឺ ដោយលោក ជាម ច័ន្ទសោភ័ណ ជាអតីតអភិបាលខេត្តត្បូងឃ្មុំ ត្រូវបានតែងតាំងមកជាអភិបាលខេត្តកំពង់ស្ពឺ ជំនួសលោក វ៉ី សំណាង ដែលត្រូវបានតែងតាំងជាអភិបាលខេត្តតាកែវវិញ។
គួរឱ្យដឹងនៅរសៀលថ្ងៃទី៣ ខែកក្កដានេះ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នឹងបន្តអញ្ជើញចូលរួមជាអធិបតីភាពក្នុងពិធីប្រកាសចូលកាន់មុខតំណែងអភិបាល នៃគណៈអភិបាលខេត្តព្រះសីហនុថ្មី ដោយលោក ម៉ាង ស៊ីណេត ជាអតីតអភិបាលរងខេត្តព្រះសីហហនុ ត្រូវបានតែងតាំងជាអភិបាលខេត្តព្រះសីហនុជំនួសលោក គួច ចំរើន ដែលត្រូវបានតែងតាំងជាអភិបាលខេត្តកណ្ដាលវិញ៕
ព័ត៌មានជាច្រើនទៀតសម្រាប់អ្នក
